Поголем дел од граѓаните – 62 отсто го поддржува процесот на зачленување на Северна Македонија во Европската Унија (ЕУ), покажува заедничкото истражување на Институтот за демократија и локалната канцеларија на Фондацијата Конрад Аденауер.
Резултатите од анализите потврдуваат дека се` уште има голема разлика во поддршката кон ЕУ меѓу двете најголеми етнички групи – 56 отсто од испитаниците Македонци се `за` во Унијата, додека тој процент кај Албанците е многу поголем – дури 82, пренесе „Гласот на Америка“.
43 отсто од граѓаните мислат дека дека опструкциите од соседните земји се најголемата пречка за напредокот на земјата. 20 проценти од испитаниците се `за` уставни измени, додека другите се поделени за статус-кво, повлекување од процесот и промена на преговарачката рамка.
Иако поддршката за влез во ЕУ од 62 отсто се` уште е висока, кога ќе се спореди со ситуацијата од пред десет години, се забележува надолен тренд. Во 2014, дури 80 проценти биле „за“ земјата да стане дел од Унијата.
ZOOM
