Собранието расправаше за петте интерпелации поднесени против четворица министри и претседателката на Комисијата за социјална политика, Илире Даути. По новогодишниот одмор, беше изгласана само интерпелацијата за Даути, додека останатите не поминаа. Пратениците од СДСМ објавија дека нема да учествуваат во расправата, посочувајќи дека интерпелациите не треба да се базираат на етнички мотиви.
Оливер Спасовски од СДСМ нагласи дека интерпелациите треба да се темелат на аргументи и факти, а не на етнички контекст. Според него, на инцидентите со македонското знаме не треба да се реагира политички, туку институциите треба да постапат според законот.
Интерпелациите на четворицата владини функционери не беа поддржани ниту од ВМРО-ДПМНЕ и коалицијата „Твоја Македонија“. Тие повикаа ДУИ да се фокусира на подобрување на животниот стандард, а не на интерпелации.
„Европски фронт“ побара политичка одговорност за вицепремиерот Изет Меџити поради палењето на знамето и други настани. Поради неспособност во управувањето со меѓуетничките односи, интерпелација беше поднесена и за Иван Стоилковиќ. Интерпелацијата за Панче Тошковски беше базирана на етнички пристап во неговото дејствување, а за Астрит Исени се бараше оставка поради неспособност за зачувување на безбедноста.
Интерпелацијата за Илире Даути беше поднесена од „Левица“, која ја обвини за кочење на Законот за бранители. Кабинетот на претседателот на Собранието појасни дека гласањето за интерпелацијата нема да има правни последици за разрешување, бидејќи тоа се регулира со посебни процедури.
„Собранието на Република Северна Македонија денеска одржа пленарна седница на која се разгледуваше интерпелацијата за работата на пратеничката Илире Даути, претседател на Комисијата за социјална политика, демографија и млади. Седницата се одржа во потполна согласност со Уставот на Република Северна Македонија, Деловникот на Собранието и постоечките закони. Изјавите на одредени медиуми кои велат дека резултатот од гласањето за интерпелација наложува разрешување на г-ѓа Даути се неточни. Нагласуваме дека гласањето за интерпелацијата е израз на пратениците и нема правно обврзувачки последици за разрешување и нема правно дејство. Именувањата и разрешувањата се уредуваат со други посебни процедури утврдени во Деловникот на Собранието, законите и Уставот“, наведоа од Кабинетот на претседателот на Собранието.
TV21
