Премиерот Христијан Мицкоски во интервју за МИА најави дека на 18 јануари ќе замине за Вашингтон, каде што, како што рече, ќе се сретне со водечките луѓе од администрацијата на САД.
Два дена подоцна ќе се случи инаугурацијата на Доналд Трамп, но нејасно е дали македонскиот премиер ќе присуствува на назначувањето на Трамп за претседател на САД.
„Покрај Брисел, Вашингтон е исклучително значајно место за нас како држава и за нас како Влада. Навистина ќе имам квалитетни средби од тоа што е досега договорено со водечките луѓе од администрацијата во Вашингтон и очекувам да го привлечам вниманието и со поинаква оптика да гледаат кон Балканот. Мораме прво регионално да го привлечеме вниманието, односно оптиката на Вашингтон да гледа кај нас како регион, не како единка во тој регион“, рече Мицкоски.
TV21
