Договорот го потпишаа вицепремиерот и министер за одбрана на Хрватска Иван Анушиќ и извршниот директор на ‘Бајкар’ Халук Бајрактар.
Министерството за одбрана на Хрватска денес во Загреб потпиша договор со турскиот производител на беспилотни летала „Бајкар“ за набавка на системот на беспилотни авиони Бајрактар TБ2, објави компанијата, известува Анадолу.
Договорот го потпишаа хрватскиот вицепремиер и министер за одбрана Иван Анушиќ и извршниот директор на „Бајкар“ Халук Бајрактар.
„Бајрактар TБ2, беспилотно летало на водечката турска компанија во одбранбената индустрија, ќе биде дел од инвентарот на хрватските безбедносни сили и ќе започне со операции во хрватскиот воздушен простор“, се наведува во соопштението.
Со овој договор уште една членка на НАТО и на Европската Унија го додаде Бајрактар TБ2 во својот инвентар.
„Бајрактар TБ2, вооруженото борбено беспилотно летало кое ја трансформира природата на војувањето, го фаворизираат земјите во Азија, Африка и земјите-членки на НАТО и ЕУ“, наведоа од „Бајкар“.
Во соопштението се наведува дека од ноември турските борбени беспилотни летала функционираат во пописот на шест земји членки на НАТО и четири земји членки на ЕУ.
Бајрактар ТБ2, кој влезе во инвентарот на турските вооружени сили во 2014 година, се произведува речиси целосно од домашни извори.
Министерството за одбрана на Хрватска соопшти дека станува збор за набавка на шест модерни, вооружени беспилотни летала.
„Вредноста на договорот е 67,01 милиони евра (без ДДВ), а беспилотните летала Бајрактар ќе бидат во оперативна употреба на хрватската армија до крајот на септември 2025 година“, соопштија од Бајкар.
Истакнувајќи ја важноста од брзото прилагодување на одбранбените системи на постојната безбедносна ситуација, хрватскиот вицепремиер и министер за одбрана Анушиќ рече дека овој нов систем на беспилотни авиони дополнително ќе ги зајакне капацитетите на хрватската армија.
AA
