Талат Џафери, поранешниот претседател на Собранието на Северна Македонија, истакна дека конференцијата била продуктивна со своите тематики за иднината на Европа и на Балканот.
Конференцијата „Иднината на Европа и Балканот“ се одржа во Скопје, известува Анадолу.
Организатор на Конференцијата беше Сојузот на турските невладини организации на Македонија (МАТУСИТЕБ).
Модератор на конференцијата беше пратеникот во парламентот на Северна Македонија, Салих Мурат, а свои обраќања имаа поранешниот претседател на Големото национално собрание на Туркије, Мустафа Шентоп, поранешниот претседател на Собранието на Северна Македонија Талат Џафери и претседателот на МАТУСИТЕБ, Тахсин Ибрахим.
Шентоп обраќајќи им се на учесниците на конференцијата истакна:
„Ние сме деца на оваа земја и затоа нашите срца се секогаш тука и доаѓаме тука секогаш кога за тоа имаме можност“.
Осврнувајќи се на руско-украинската војна и на нападите на Израел врз Појасот Газа, Шентоп рече дека на Блискиот исток има сериозна тензија.
– „Шентоп, постојан пријател на Северна Македонија“
Пратеникот Мурат во својот говор истакна:
„Среќен сум што сум заедно со Шентоп, постојаниот пријател на Северна Македонија.“
Талат Џафери истакна дека конференцијата била продуктивна со своите тематики за иднината на Европа и на Балканот.
Свое обраќање имаше и Тахсин Ибрахим, претседателот на МАТУСИТЕБ. Зборувајќи дека на конференцијата се разговарало за иднината на Европа и на Балканот, Ибрахим посочи дека во Северна Македонија на илјадници ученици им е узурпирано правото да се школуваат на својот мајчин јазик.
На панелот учество зедоа и претставници на амбасадата на Туркије во Скопје и претставници на турските институции и организации во Северна Македонија.
АА
