Откако Европската унија најави дека ќе испитува дали главната ревизорка на ИПА фондовите Афрона Вервизоли има лиценца за ревизор, Владата најавува дека ќе ја разреши ревизорката.
Воедно, велат од Владата, потребно е вниманието да се насочи кон отворените злоупотреби на парите од ЕУ и фондовите кои беа присутни во изминатиов период, а за кои постои и пишан траг и нотификација од Европската канцеларија за борба против измами (ОЛАФ) кои поради таквото работење побаруваат од државата исплата на неколку милиони евра.
„Пренасочувањето на вниманието кон други теми го толкуваме како бегство од одговорност за ваквите злоупотреби. Одговорност ќе има“, велат од Владата.
Вервизоли била предлог на Коалицијата „Вреди“, а засега не е објавена нејзината биографија. Таа е дипломирана економистка, а претходно работела во банка.
TV21
