Грците им се заблагодаруваат на бугарските пожарникари за помошта во гаснењето на шумските пожари. Денешното заладување ја ублажи ситуацијата, но силниот ветер може да направи проблеми, јавува БНР, пренесува Трибуна.
Бугарската екипа се наоѓа на аеродромот во Солун и учествува во гаснењето на пожарите во северна Грција. Доколку е потребно, ќе бидат вклучени и екипи од други места.
Во анкета на грчката телевизија, жителите и туристите од Халкидики им се заблагодарија на медиумите за „братската бугарска помош“ и дури потсетија дека и минатата година Бугарите помогнале во тешката ситуација со пожарите.
„Бугарите се многу добри специјалисти“, додаваат доброволци кои заедно со нив учествувале во гаснењето на пожарите.
zoom.mk
