Центарот за управување со кризи (ЦУК) јавува дека попладнево пожари имало во атарите на велешкото село Бистрица, во атарот на прилепските села Бонче и Дрен, како и над тетовското село Боговиње.
„РЦУК – Велес известува за пожар во атар на село Бисрица, место викано Бистрички осој. Горат претежно ниви, стрништа и ливади. Екипа од Шумско стопанство Бабуна Велес е на терен и го контролира пожарот.
РЦУК – Битола известува дека има два активни пожари. Едниот е во село Бонче, општина Прилеп. Пожар има и во село Дрен, Прилепско кај кај манастирот „Свети Илија. За двата пожари е известена ЈП „Липа“ и состојбата се следи“, се наведува во соопштението до јавноста.
РЦУК – Тетово, јавува за пожар над селото Боговиње. На терен се екипи од противпожарната единица од Тетово и Националниот парк.
