Portugal’s Pepe places the captain armband on the arm of teammate Cristiano Ronaldo during the World Cup round of 16 soccer match between Portugal and Switzerland, at the Lusail Stadium in Lusail, Qatar, Tuesday, Dec. 6, 2022. (AP Photo/Frank Augstein)
Најдобриот португалски фудбалер Кристијано Роналдо сака во својот нов клуб Ал-Наср да го доведе својот поранешен соиграч од репрезентацијата и Реал Мадрид, Пепе, пренесува „Марка“.
Поранешниот играч на Реал Мадрид би сакал да се опкружи со некои свои пријатели, а еден од нив е Пепе. Шпанските медиуми пренесуваат дека Роналдо веќе разговарал за овој трансфер со раководството на новиот клуб.
Португалскиот дефанзивец во февруари ќе наполни 40 години, но на минатиот Мундијал покажа дека се уште е способен да игра врвен фудбал.
Пепе во досегашната кариера настапуваше за Маритимо, Порто, Реал Мадрид и Бешикташ. Во националниот дрес има одиграно 133 натпревари, на кои постигнал осум гола.
Во 2016 година со Португалија стана европски првак. /Makfax/
