Научниците од Нов Зеланд го зголемија нивото на тревога поради вулканот под најголемото езеро во земјата, кој ја предизвика најголемата ерупција на Земјата во последните 5 000 години, кога последен пат еруптираше пред околу 1 800 години.
Геолошката агенција „Геонет“ во соопштението истакнува дека открила речиси 700 мали земјотреси под езерото Таупо, и го подигнала нивото на тревога за вулкани на 1.
Системот за предупредување за вулканите се заснова на шест нивоа што се зголемуваат, но „Геонет“ забележува дека ерупциите може да се случат на кое било ниво, а нивоата може да не се движат во низа бидејќи активноста може брзо да се менува.
