Србија се пласираше во финалето на „Песна на Евровизија“, а претставничка Ана Ѓуриќ Констракта доби овации од публиката по настапот во Торино.
Сепак, домаќините ја прочитаа Србија последна од листата од 10 земји кои отидоа понатаму по втората полуфинална вечер.
Освен Србија, вечерва во финалето се најдоа и: Белгија, Чешка, Азербејџан, Полска, Финска, Естонија, Австралија, Шведска, Романија.
По првата полуфинална вечер во вторник, во финалето се пласираа Ерменија, Холандија, Молдавија, Украина, Португалија, Грција, Норвешка, Литванија, Исланд и Швајцарија.
Распоредот во кој беа прочитани вечерашните финалисти не го претставува бројот на гласови што ги добија, потсетија челниците на Евровизија на правилата на натпреварувањето. Десетте победници на втората полуфинална вечер беа избрани врз основа на гласовите на публиката и жирито.
Финалето на „Песна на Евровизија“ ќе се одржи во сабота во Торино.
