Со Северна Македонија не сме само пријатели, туку и партнери и сојузници, рече Заменик помошникот на државниот секретар на САД за европски и евроазиски прашања и специјален претставник за Западен Балкан, Габриел Ескобар, на заедничката прес конференција со министерот за надворешни работи, Бујар Османи.
„Би сакал да ја искажам нашата благодарност на С Македонија за континуираната поддршка и придонес во НАТО и сакам да ја пренесам силната поддршката од администрацијата на САД за брза евроинтеграција на С Македонија. Ние работиме со нашите европски партнери за да се осигураме дека тоа ќе се случи мошне брзо. Сите сме согласни дека С Македонија е културно и историски дел од Европа и треба да биде на заедничката маса“, порача Ескобар.
