Medin Nuredini 
Денеска времето ќе биде облачно, со повремени локални врнежи од дожд со слаб до умерен интензитет, особено попладне и во текот на ноќта. Ќе дува слаб ветер од северен правец. Минималната температура ќе се движи од 7 до 12 степени, а максималната ќе достигне од 11 до 16 степени.
Во Скопје ќе преовладува претежно облачно време, со повремени врнежи од дожд, особено попладне и во текот на ноќта. Ќе дува слаб северен ветер. Минималната температура ќе се спушти до 9, а максималната ќе достигне до 14 степени.
Во наредните денови, до вторник, времето ќе биде под влијание на циклонска активност. Ќе преовладува претежно облачно и постудено време, со повремени врнежи од дожд со променлив интензитет.
Пообилни врнежи се очекуваат во недела и во понеделник навечер, како и во текот на ноќта кон вторник. На многу места се очекува да наврнат над 25 литри дожд на квадратен метар за 24 часа, а локално во текот на целиот прогнозиран период може да наврнат и над 60 литри на квадратен метар.
Од среда натаму ќе продолжи постуденото, но стабилно и суво време.
