Medin Nuredini 
Под претседателство на Гордана Сиљановска-Давкова, започна седницата на Советот за безбедност, свикана поради актуелната безбедносна состојба во земјата во контекст на најновите случувања на Блискиот Исток.
На седницата присуствуваат членовите на Советот: претседателот на Собранието Африм Гаши, претседателот на Владата Христијан Мицкоски, министерот за внатрешни работи Панче Тошковски, министерот за одбрана Владо Мисајловски и министерот за надворешни работи и надворешна трговија Тимчо Муцунски. Дел од седницата се и членовите Џевдет Хајредини, Малинка Ристевска Јорданова и Владо Спиридонов.
Советот за безбедност претставува највисоко советодавно тело во државата кое ги разгледува прашањата поврзани со безбедноста и одбраната и доставува предлози и мислења до Собранието и Владата.
Работата на Советот, вклучително и свикувањето и одржувањето на седниците, правата и обврските на членовите, како и спроведувањето на донесените ставови и иницијативи, е уредена со Деловникот за работа на Советот за безбедност.
Седниците по правило се затворени за јавноста, а одлука за евентуална јавност на одредена седница носи претседателот на Советот.
