Medin Nuredini 
Холандија е најдобрата земја во светот за благосостојба на децата, објави УНИЦЕФ во својата студија „Иноченти“. Во анализа што вклучуваше 43 развиени земји, Од регионот, Хрватска го зазеде високото осмо место, подобро од соседната Словенија.
Како се рангирани земјите
Извештајот „Иноченти“ ги рангира земјите-членки на Организацијата за економска соработка и развој (ОЕЦД) и Европската унија (ЕУ) според реалните услови во кои растат децата, а не според економските индикатори или инфраструктурата. Тој ги зема предвид менталната благосостојба, физичкото здравје и вештините на децата и адолесцентите.
Иако УНИЦЕФ забележува дека има простор за подобрување во сите земји, Холандија, Данска и Франција се издвоија на врвот на листата како земји што нудат најдобри услови во сите три категории.
20-те најдобри земји за деца се:
Холандија
Данска
Франција
Португалија
Ирска
Швајцарија
Шпанија
Хрватска
Италија
Шведска
Унгарија
Австрија
Словенија
Јапонија
Литванија
Романија
Финска
Чешка
Канада
Словачка
Тајната на холандскиот успех
Холандија се издвојува особено во областа на менталното здравје на децата, кои генерално се помалку стресирани од нивните врсници во други земји. Ова е благодарение на општеството и училишниот систем кои поттикнуваат рамнотежа помеѓу учењето и слободното време.
Голем процент од тинејџерите велат дека се задоволни од својот живот, а државата инвестира во здравствена заштита, квалитетно предучилишно образование и јавни услуги како што се библиотеки, спортски и културни објекти кои го промовираат здравиот развој на децата.
Делумно причината е културна, објаснува Олга Мекинг, авторка на книга за холандскиот начин на живот и мајка на три деца која живее таму 15 години.
