Medin Nuredini 
Зградата на Специјалниот суд во Белград, главниот град на Србија, е евакуирана денес откако во објектот избувна пожар, објавија надлежните.
Според првичните информации, нема повредени, а сите во зградата биле евакуирани навреме.
Пожарникарите брзо реагирале и го локализирале пожарот.
Српското Министерство за внатрешни работи изјави дека пожарот е пријавен во 8:21 часот наутро, додека противпожарните и спасувачките единици пристигнале на местото на настанот четири минути подоцна.
Утврдено е дека чад се појавил на горниот кат од зградата, каде што биле зафатени неколку канцеларии.
Во интервенцијата учествуваа членови на противпожарните и спасувачките единици, вкупно 35 пожарникари со 11 возила.
Ситуацијата е ставена под контрола, а пожарникарите продолжија да ги проветруваат просториите и да вршат увид на таванот и покривот на зградата, соопшти Министерството за внатрешни работи.
