Medin Nuredini 
Стејт департментот на Соединетите Американски Држави привремено ќе престане со обработка на имигрантски визи за граѓани од 75 земји, меѓу кои е и Северна Македонија, јавуваат американските медиуми.
Според документот, американските амбасади и конзулати ќе одбиваат апликации за имигрантски визи додека трае ревизија на процедурите за проверка и проценка на апликантите.
На листата на опфатени земји се меѓу другите Сомалија, Русија, Иран, Авганистан, Бразил, Нигерија, Египет, Тајланд и Јемен. Престанокот на обработката на визи ќе започне на 21 јануари 2026 година и ќе трае додека трае ревизијата на процедурите.
Причината за оваа мерка е спречување на издавање визи на лица кои би можеле да станат „јавно оптоварување“, односно лица кои би зависеле од владини социјални бенефиции по доаѓањето во САД.
Конзуларните службеници добиле упатство да ги одбиваат визите на апликанти кои се сметаат за најризични според критериуми како здравствена состојба, возраст, познавање на англиски јазик, финансиска состојба или можни потреби за долгорочна медицинска грижа.
Сè уште не е објавено кога точно ќе заврши оваа пауза во обработката на визи и кои други земји дополнително ќе бидат опфатени.
TV21
