Medin Nuredini 
Од 1 јануари 2026 системот Сејф сити официјално ќе ги “лови” сообраќајните прекршоци, но еден месец претходно или од декември годинава ќе има тест период.
Возачите кои ќе направат прекршок ќе добиваат СМС порака или е-пошта со фотографија од прекршокот во рок од 24 часа, а казните ќе стигнуваат на домашна адреса. На почетокот проектот ќе биде имплементиран во Скопје и уште два други градови, а кон средината на 2026 и на територија на цела држава.
Министерот за внатрешни работи Панче Тошковски кога говореше за проектот „Сејф Сити“ посочи дека со овој проект за многу краток период ќе се смени односно на македонските граѓани во делот на почитување на сообраќајните правила.
– Јас искрено многу верувам во овој проект „Сејф Сити“. Кога ќе го имплементираме „Сејф Сити” како решение, јас сум убеден дека за многу краток временски период ќе го смениме менталитетот и односот на нашите граѓани во делот на почитување на сообраќајни правила. Со имплементација на овој систем нема да има опција за избегнување на казна, вели тој.
Skopjeinfo
