Medin Nuredini 
epa11697117 The wreckage following the collapse of the canopy at the railway station in Novi Sad, Serbia, 02 November 2024. Fourteen people lost their lives in the collapse of the Novi Sad Railway Station canopy that occurred on 01 November, as stated by Interior Minister Ivica Dacic. The mayor of Novi Sad, Milan Djuric, reported over 30 injuries in the incident, which occurred just before noon. The recently renovated station building, reopened on 05 July 2024, was undergoing another renovation shortly before the collapse. EPA/ANDREJ CUKIC
Идејата потекнува од градоначалникот Жарко Миќин, но од опозицијата се против бидејќи сметаат дека владејачката партија треба да преземе одговорност за корупцијата која довела до трагедијата.
Собранието на Нови Сад ја прифати иницијативата на градоначалникот Жарко Миќин за поставување споменик на загинатите при падот на бетонската натстрешница на железничката станица во кој животот го загубија 16 лица.
Иницијативата претходно беше прифатена и позитивно изразена од градскиот Завод за заштита на спомениците на културата и Институтот за урбанистичко планирање.
Миќин изјави дека претходно се консултирал со претседателот на Србија, Александар Вучиќ и е предложено на местото на несреќата да се постави споменик, што би претставувал „трајна материјална трага во културата на сеќавањето и кој, како основни елементи, мора да ги содржи напишаните имиња на жртвите и повредените, како и информации за трагичниот настан“.
Советниците од опозицијата ја напуштија седницата каде што се дискутираше за споменикот на жртвите и бараат градоначалникот да ја повлече иницијативата, затоа што сметаат дека таа не треба да доаѓа од членови на владејачката СНС, кои според опозицијата, се одговорни за трагедијата, поради корупцијата за време на реновирањето на железничката станица.
При уривањето на бетонската натстрешница на 1 ноември лани, 16 лица ги загубија животите, а едно лице беше тешко повредено.
Бетонската натстрешница на железничката станица во Нови Сад падна четири месеци по реконструкцијата на зградата на станицата. Спасувачите извлекоа 14 тела и три тешко повредени лица од урнатините, од кои двајца подоцна починаа.
Оваа трагедија предизвика масовни протести во Србија на кои се бара одговорност од власта.
360Stepeni
