Medin Nuredini 
Во студентскиот дом „Гоце Делчев“ се сместени околу 1.200 учесници од 11 држави. Македонија е домаќин на еден од најзначајните младински спортски настани во Европа. ЕМОФ не е само спорт – тоа е платформа што ги поврзува новите генерации со Европа и ја претставува нашата држава во најдобро светло, велат организаторите. Младите уживаат, се дружат и споделуваат искуства.
„Се натпреварувам во атлетика, доаѓам од Хрватска. Скопје ми се допаѓа, иако е жешко. Организацијата е одлична. Се дружиме со млади од цела Европа, што е прекрасно“, вели спортист од Хрватска.
„Тука е прекрасно, многу ми се допаѓа. Има историја, а планините се фасцинантни – кај нас во Литванија ги нема“, вели спортист од Литванија.
„Убаво е, иако многу топло. Градот е интересен, архитектурата и центарот се прекрасни. Би сакала повеќе свеж воздух“, вели спортист од Словачка.
„Првпат сме дел од EYOF. Организацијата е на ниво. Пред две недели бевме на Светското првенство, а сега сме тука. Во петок играме полуфинале против Унгарија. Се надеваме на победа. Условите се одлични, персоналот е љубезен. Среќни сме што сме тука“, вели спортист од Турција.
ЕМОФ се одржува секои две години и е наменет за млади спортисти на возраст од 14 до 18 години од цела Европа. Оваа година натпреварите се одвиваат во 15 спортови: атлетика, пливање, кошарка, одбојка, џудо, пинг-понг, велосипедизам и други.
Македонија годинава учествува со рекорден број спортисти во сите дисциплини. Организацијата е резултат на заеднички напори меѓу Европскиот олимписки комитет и Олимпискиот комитет на Македонија и Градот Скопје, кој обезбеди логистичка и инфраструктурна поддршка.
Но, дали промоцијата и организацијата се на ниво. Во изминатите неколку денови имаше поплаки од учеснците, за превозот, сместувачките капацитети и слично, а голем број на скопјани, како и граѓани на Македонија не се запознаени дека нашата држава е голем е домаќин на голем настан. Посебни реклами и билборди низ градот нема, а дека нешто се случува кај нас ќе забележите кога низ градот ќе ги видите младите спортисти со нивните маички со државни обележја.
TV21
