април 5, 2025

Северна Македонија ја одбележа 76-годишнината од НАТО, боите на знамето на Алијансата на зградата од МНР

„Минатата недела со гордост прославивме 5 години откако станавме полноправна членка на НАТО… Денеска одбележуваме и 76 години од основањето на сојузот кој ги штити слободата, демократијата и нашиот начин на живот“, истакнаа од МНР.

Во објавата на платформата Х, Министерството за надворешни работи наведува: „Минатата недела со гордост прославивме 5 години откако станавме полноправна членка на НАТО, стоејќи покрај нашите сојузници од демократскиот свет. Денеска одбележуваме и 76 години од основањето на сојузот кој ги штити слободата, демократијата и нашиот начин на живот.“

Во меѓувреме, по овој повод, боите на знамето на НАТО беа рефлектирани на зградата од Министерството.

НАТО-алијансата, основана на 4 април 1949 година, е една од најважните организации за колективна одбрана и меѓународна безбедност, со 32 земји членки.

Северна Македонија е членка на НАТО од 27 март 2020 година.



AA

Read Previous

Панел-дискусија за геополитички, дипломатски и правни рамки на регионалната соработка на Балканот се одржа во Скопје