Полесните пациенти кои се лекуваат во странство по последиците од пожарот ќе се вратат до крајот на оваа недела.
Пациентите кои имаат потешки повреди ќе останат во болниците надвор од Македонија, потврди министерот за здравство Таравари. Кај тројца пациенти се уште е критична состојбата.
„Засега оваа недела ги очекуваме повторно полесните пациенти да се враќаат, оние кои се рехабилитирани целосно. За потешките пацинети ќе разговараме наредната недела. Имаме неколку опции „8 Септември“ да го адаптираме ковид центарот, Центарот за рехабилитација во Козле. Имаме понуди и за надвор од државата кои биле во болниците и подолго време, без трошоци од државата“, изјави Арбен Таравари министер за здравство.
Од вкупно 193 повредени во пожарот во Кочани, моментално во болничко лекување се уште 100 пациенти.
20 се хоспитализирани во Македонија и се прават сите испитување пред да се пуштат на домашно лекување. 80 се лекуваат во странски болници.
Во текот на денешниот ден, двајца пациенти ќе бидат вратени на домашно лекување од Полска и од Белгија.
Kanal5
