Веќе десет дена матичните лекари не можат да закажуваат итни термини за рентген на своите пациенти, а за редовен термин треба да се чека најмалку 15 дена, вели д-р Драган Ѓорѓиевски, претседател на Здружението на лекари по општа медицина. Тој вели дека 10 години има проблеми со системот „Мој термин“, со тоа што здравствените установи најчесто ги блокираат термините од различни причини, но никогаш не се случило, како во овој случај, сите поликлиники во Скопје, да ги блокираат термините.
Најмногу страдаат луѓето на кои им е потребна операција и рентген, вели Ѓорѓиевски, а во многу случаи граѓаните се обраќаат до приватните клиники. Тој рече дека во Поликлиниката „Јане Сандански“ не закажуваат термини бидејќи апаратот не работи. Од Здравствениот дом за ТВ21 велат дека рентген апаратот веќе неколку дена не работи.
„Рентген апаратот не работи околу 10 дена поради голем софтверски дефект. Проблемот веднаш беше пријавен и на овој план беа ангажирани стручни лица. Пациентите на кои им е потребна оваа услуга не се одбиваат, туку се упатуваат во други здравствени домови, како што се поликлиниката Бит Пазар, Букурешт, Идадија, Чаир итн.“, велат од Здравствен дом Скопје.
На новинарско прашање за овие проблеми, министерот за здравство рече дека е запознаен и дека бараат решенија.
За да се реши проблемот со слободни термини, Таравари рече дека ќе ангажира и специјализанти, кои под надзор на специјалисти ќе вршат прегледи на пациентите. Тоа ќе се прави во соработка со Лекарската комора и за ова како што посочи министерот, се подготвуваат печати за специјализантите.
TV21
