Денеска Скопје беше на 21 место по загаденост на воздухот, додека вчера главниот град беше меѓу 10-те најзагадени градови во светот.
Загаденоста на воздухот е проблем во Македонија години наназад, а досега никој не наоѓа решение. Особено загаден воздух има во Скопје, Тетово, Струмица, Битола, но и во другите градови.
Во Македонија годишно умираат 3400 луѓе од загаден воздух, што претставува нешто помалку од 20% од вкупната смртност.
Главни извори на загаден воздух се загревањето на домаќинствата и јавните објекти, сообрќајот и ресуспендираните честички.
Погодени се најмногу децата, како и оние кои имаат долгорочни здравствени проблеми.
СЗО предупредува дека голем дел од Балканот диши загаден воздух.
TV21
