Потпишување на петицијата за смена на градоначалникот во Северна Митровица, 17 јануари 2024 година.
Централната изборна комисија на Косово одлучи гласањето за смена на градоначалниците во четири општини на северот на Косово да се одржи на 21 април.
Комисија ги верификуваше потписите на граѓаните кои поднесоа петиција за смена на градоначалниците во општините со српско мнозинство на северот на Косово – Северна Митровица, Лепосавиќ, Звечан и Зубин Поток.
Потписите беа собрани во средината на јануари врз основа на административното упатство од Владата на Косово, кое беше донесено со цел да се отвори пат за распишување избори во општините на северот, бидејќи локалното српско население не прифаќаше градоначалници Албанци.
