Вицепремиерот Фатмир Битиќи откри дека има амбиции да стане претседател. Битиќи во интервју за Алсат вели дека тој би можел да биде кандидатот за консензус.
Битиќи, кој ја извршува и функцијата потпретседател на СДСМ, рече дека значителен број партиски ограноци го предложиле за кандидат за претседател.
„Јавно објавувам дека добив номинација од повеќе ограноци на партијата затоа што јавно е познато дека СДСМ е една од партиите што има најширок дострел во државата. Имаме 80 партиски ограноци во државата. Добив номинации од значителен број ограноци од СДСМ. Сега процесот на консултации продолжува и ова треба да заврши со конгресот“.
„Доколку се бара консензуален кандидат како мене, јас би прифатил таква понуда. И ако треба да направиме други компромиси и да најдеме консензус на друго место, подготвен сум да му подадам рака на секој што мисли дека таму треба да се испрати државата и работиме за истата визија“, нагласи Фатмир Битиќи, вицепремиер и потпретседател на СДСМ.
