Движењето Беса ја поздравува поканата на премиерот на Албанија, Еди Рама за заедничка средба на лидерите на албанските политички партии во Тирана, но додаваат дека не гледаат потреба да седнат на иста маса со Али Ахмети и ДУИ, пренесува Алсат.
„Ние како Беса воопшто немаме дилема во однос на политичките цели во корист на интересите на Албанците во Република Северна Македонија од страна на премиерот на Република Албанија, г. Еди Рама. Наша грижа е со целите и политичките трикови на ДУИ и Али Ахмети. Ние како Беса позитивно одговараме на поканата на премиерот Еди Рама, но немаме потреба и не гледаме за разумно да седиме на маса со ДУИ на Али Ахмети секогаш кога тој треба да се спаси“, изјави Фарук Авзиу, портпарол на Беса.
Причините за средба не се соопштуваат во поканата на Рама, но се дознава дека ќе се фокусира на поддршката за уставните измени и евроинтегративните реформи.
