По неколкумесечна внатрешна дебата, Администрацијата на американскиот претседател Џозеф Бајден понудил размена на Виктор Бут, осуден руски трговец со оружје кој отслужува 25-годишна затворска казна во САД, за американската кошаркарка Бритни Гринер и маринецот Пол Вилан кои се затворени во Русија, jави „Си-Ен-Ен“.
Државниот секретар Ентони Блинкен соопшти дека САД пред неколку седмици упатиле „значаен предлог“ до Москва за размена на Вилан и Гринер, кои според Вашингтон се „незаконски притворени“ во Русија.
Блинкен на прес-конференција во Стејт Департментот појасни дека претседателот Бајден е „директно вклучен“, како и оти го потпишал предлогот за размена.
Поддршката на Бајден за размена е посилна од спротивставувањата на Министерството за правда што генерално е против трговијата со затвореници.
