Стејт департментот го осуди убиството на палестинската новинарка Ширен Абу Аклех што вчера се случи за врема на упад на изреалската војска во Западниот Брег и повика на исцрпна и продлабочена истрага, а извршителите да бидат повикани на одговорност.
-Важно е за нас и важно е за светот таа истрага да биде исцрпна, продлабочена и транспарентна, и извршителите да бидат повикани на целосна одговорност, изјави синоќа портпаролот Нед Прајс.
Тој ги повика израеалските власти да извршат истрага за повикување на одговорност на сторителите.
-Израелските власти ги имаат неопходните средства и способност да го направат тоа, изјави тој. Ширен Абу Аклех беше американско-палестинска репортерка која 25 години работеше за ТВ каналот на арапски јазик Ал Џезеира.
