Поради нападот и убиството на ракометарот Денис Тот од Хрватска, кој играше за РК Бутел, опозициската ВМРО-ДПМНЕ бара оставка од министерот Оливер Спасовски.
-Спасовски 5 дена после убиството кажува дека ја имаат снимката од убиството, откако целата јавност ја виде, а не објаснува зошто МВР два дена после убиството тврдеше дека немало насилство и информираше дека ракометарот не бил претепан. Спасовски ни малку не ја убеди јавноста дека МВР не го заташкува случајот, туку напротив. Впрочем, Спасовски 5 дена после настанот најави дека за едно од лицата се трага и дека после 5 дена „ќе се распишуваат меѓународна и домашна потерница“?! И реакцијата на МВР и ставовите кои МВР ги даваше за случајот говорат дека нешто се крие и се забошотува. Доволно Спасовски ја замајува јавноста. Затоа Спасовски треба да поднесе оставка веднаш, велат од ВМРО-ДПМНЕ.
