Medin Nuredini 
Србинка била уапсена во Хрватска откако украла три лежалки и чадор за сонце од двор, по што ѝ е изречена забрана за влез и престој во Европскиот економски простор во траење од една година, објави „Вечерњи“.
Според сомневањата на полицијата, жената во неделата околу 14 часот влегла во дворот на куќа во сопственост на 59-годишен маж, од каде што украла еден чадор за сонце и три лежалки.
Полициските службеници ја уапсиле 38-годишната жена во средата, во подрачјето на Сукошан. За време на криминалистичкото истражување кај неа биле пронајдени и одземени украдените предмети, кои ќе му бидат вратени на сопственикот.
Поради сомнение дека сторила кривично дело кражба, против жената ќе биде поднесена кривична пријава до надлежното државно обвинителство во Задар.
Освен кривичната пријава, на државјанката на Србија ѝ е донесено и решение за протерување од територијата на Европскиот економски простор (ЕЕП), согласно одредбите од Законот за странци.
Изречена ѝ е и мерка забрана за влез и престој на територијата на ЕЕП во траење од една година.
Полицијата против осомничената презела и прекршочни мерки поради непочитување на рокот за пријавување на сместувањето за време на краткотрајниот престој во Република Хрватска.
