Medin Nuredini 
Најдобриот македонски атлетичар во маратон Дарио Ивановски, успешно го финишираше маратонот во Токио, во рамките на Светското првенство. Ивановски заврши на 58. позиција со време од 2:26:31.
Маратонот го завршија 66 натпреварувачи, а многумина од пријавените се откажаа за време на трката.
Победник на маратонската трка е Алфонс Феликс Симбу од Танзанија, кој заврши за дел од секундата побрзо од Аманал Петрос од Германија, додека трет беше Италијанецот Илиас Ауани, кој заостануваше пет секунди.
Со настапнот на Ивановски завршија и настапите на македонските атлетичари на Светското првенство. Претходно рекордерката во маратон во женска конкуренција во Македонија Андријана Поп-Арсова Рашиќ заврши на 62-рото место со време од 3:01:48, што беше најдобро време во оваа сезона за нашата натпреварувачка.
TV21
