Medin Nuredini 
Премиерот Христијан Мицкоски денеска присуствуваше на пуштањето во употреба на новата патна делница во Велес, каде изјави дека проектот е успешно завршен и дека веќе се користи од товарни и патнички возила.
„Јас немам што дополнително да додадам на она што веќе го кажаа и градоначалникот и директорот. Можеби една мала корекција – повеќе не треба да ја користиме честичката ‘ќе’, затоа што патот е веќе пуштен во употреба. Возила веќе се обраќаат тука – и товарни и патнички – што значи дека безбедноста е на прифатливо ниво“, рече Мицкоски.
Тој се заблагодари на сите институции и лица кои учествувале во реализацијата на проектот, нагласувајќи ја брзината и ефикасноста на процесот.
„Во мое лично име, сакам да им се заблагодарам на сите – почнувајќи од колегите од Универзитетот ‘Кирил и Методиј’, Градежниот факултет, па до тимот на Јавното претпријатие за државни патишта, директорот, Општина Велес, потпретседателот на Владата и министерот за транспорт, Министерството за внатрешни работи, изведувачите и сите останати. Ова беше еден брз и ефикасен потфат, и конечно мислам дека ќе обезбедиме побрз и побезбеден транспорт во рамки на Велес“, додаде премиерот.
TV21
