Medin Nuredini 
Силите на НАТО денес започнаа двонеделни воени маневри во Балтичкото Море, при што првите воени бродови испловија од Росток, пристаниште во североисточна Германија, утрово. Меѓу бродовите што испловија од поморската база Росток-Варнеминде беа германската корвета Магдебург и францускиот миноловец Вулкеин.
Годишната вежба предводена од САД, БАЛТОПС, вклучува повеќе од 50 бродови, повеќе од 25 авиони и околу 9.000 војници од 17 земји. Вежбата трае до 20 јуни.
Балтичкото Море се смета за стратешки важно, особено во светлината на војната на Русија во Украина. Русија е единствената од деветте земји на брегот на Балтичкото Море што не е членка на НАТО. Москва ги опиша вежбите како провокација.
Заменик-министерот за надворешни работи Александар Грушко еден ден претходно ја обвини Западната алијанса дека се подготвува за конфликт со Русија со својата годишна вежба БАЛТОПС.
И руската флота неодамна одржа воени вежби во Балтичкото Море.
ZOOM
