Безбедносна зона околу Собранието – пратениците велат дека се чувствуваат безбедно

Пратениците ја поддржуваат законската одлука за прогласување на просторот околу Собранието за безбедносна зона, иако додаваат дека сè уште се чувствуваат безбедно во законодавниот дом. 

Станува збор за закон што се предлага да се донесе по брза постапка, со кој ќе се регулира статусот, вкупната површина, границите на земјиштето, користењето, осигурувањето, надзорот и имотно-правните прашања поврзани со просторот околу Собранието. 

Со прогласувањето на зелениот простор од 1,5 хектари за безбедносна зона, се очекува Собранието да ги заштити пратениците и зградата, но и да ги спречи инвеститорите да градат во непосредна близина на законодавниот дом.

„Не е идејата да се ограничат протестите, заедно гласавме за други цели, за детали обратете се кај собранискиот спикер“, вели Блерим Беџети.

TV21