Министерот за надворешни работи на Турција, Хакан Фидан, во својата канцеларија го прими претседателот на Здружението за Култура, Уметност и Образование „Ќопру“, Хусрев Емин, претседателот на Здружението за Култура, Солидарност и Образование „Енсар“, проф. д-р Сулејман Баки, претседателот на здружението „Визион М“, Таџетин Шабани, и заменик-претседателот на Фондацијата за Центар за Исламска Цивилизација (FOЦИЦ), проф. д-р Аднан Исмаили.
Во изјавата на здружението „Ќопру“ беше наведено следново:
„Во рамките на посетите на делегацијата од Северна Македонија, составена од претставници на граѓанскиот сектор, нашиот претседател Хусрев Емин го посети Министерот за надворешни работи на Република Турција, почитуваниот Хакан Фидан, во неговата канцеларија.
Оваа посета, која носеше карактер на благодарност и љубезност за неодамнешната посета на министерот Фидан на нашето здружение во рамките на неговата програма во Северна Македонија, беше искористена за да се дадат информации за активностите и проектите на нашето здружение, како и за оние што се планираат.
Дополнително, на состанокот беа разменети мислења за прашања од интерес за турската заедница во нашата земја.
Му се заблагодаруваме на Министерот за надворешни работи на Република Турција, почитуваниот Хакан Фидан, за неговото љубезно прифаќање, интересот, вниманието и поддршката што ни ја укажа.“
