Министерството за надворешни работи преку објава на официјалниот профил на социјалната мрежа X, повика на имплементација на договорот и траен мир и стабилност во регионот.
Министерството за надворешни работи и надворешна трговија (МНРНТ) на Северна Македонија го поздрави договорот за примирје во Газа постигнат помеѓу Хамас и Израел, пренесува Анадолу.
МНРНТ, преку објава на официјалниот профил на Министерството на социјалната мрежа X, повика на имплементација на договорот и траен мир и стабилност во регионот.
„Го поздравуваме договорот за ослободување заложници и прекин на огнот во Газа и ги поздравуваме дипломатските напори на САД, Египет и Катар за олеснување на договорот. Фокусот сега мора да се пренесе на обезбедување имплементација на договорот, создавање пат кон траен мир и стабилност во регионот“, се вели во објавата.
Прекинот на огнот се случи на 467. ден од израелската неселективна воена кампања врз Газа, во која се убиени над 46.700 Палестинци, повеќето жени и деца, која започна по прекуграничниот напад предводен од Хамас на 7 октомври 2023 година. Во тој напад загинаа околу 1.200 луѓе, а околу 250 беа вратени од Газа како заложници.
AA
